Tu vakarau o Rabuka

ESA mai digitaki me sa i liuliu ni To ni Veisaqa o Sitiveni Rabuka ena gauna e vakayacori kina na veidigitaki e Palimedi ena siga Moniti.

Mai vakatura na yacai Rabuka na Marama Bale na Roko Tui Dreketi, Ro Teimumu Kepa ni bera ni qai tokona o Parofesa Biman Prasad na i liuliu ni National Federation Party.

Ena macawa sa oti, e sa mai solia talega kina na nona i vola ni vakacegu mai na i tutu ni liuliu ni soqosoqo o Rabuka ki na komiti e cake ni Social Democratic and Liberal Party.

Vakaraitaka o Ratu Naiqama Lalabalavu na peresitedi ni soqosoqo ni ratou sega ni vakadonuya na nona kere vakacegu oqo o Rabuka ka se vo tale e so na ka me na vakayacora me na qai ciqomi kina na i vola oya.

Ni mai cava na veidigidigi ena vula oqo, e laurai ni mai rawata na i karua ni wiliwili levu duadua na i soqosoqo ni SODELPA.

E na macawa sa oti, era a lako curuma talega e dua na vuli na lewe ni Palimedi ena vuku ni veika era na vakaitavitaki ira kina kei na i tovo kei na i valavala ni bula e nuitaki ni ra na vakaitovotaki ira kina. E na macawa oqo e sa mai tekivutaki kina na i matai ni nodra vosa na lewe ni Palimedi ni yabaki oqo 2018 kei na 2019.

More Stories