Bula vakailavo kei na qele: Gavoka

E vakadeitaka e Palimedi o Viliame Gavoka ni rua ga na ka e na rawa ni tosoi Viti e liu kevaka walega me na tarai cake na bula vakailavo ni kawa i Taukei ka vakavinakataki na veiwekani nodra na i taukei ni qele kei ira era lisitaka na qele.

Tukuna o Gavoka ni kevaka era na rawata na lewe ni Palimedi era dabe tiko ena gauna oqo na i tuvatuva oqo, ena sautu ka na wali sara e levu na leqa e tara tu na noda vanua ena gauna oqo.

E kerea talega o Gavoka vei ira na nona i tokani ni sa gauna ni veirogorogoci ena yasa ruarua ni Bose Lawa ena gauna oqo.

E dua talega na kauwai e vakaraitaka o Gavoka oya na i wiliwili levu ni lewenivanua e dodonu me ra laki veidigidigi era qai sega ni laki toqa na nodra digidigi.

E kaya ni dodonu me na kauwai ena tikina qo na valenivolavola ni veidigidigi ena kena laurai se cava dina e yaco ka ra sega ni laki vakaitavi kina o ira na dauveidigitaki mata.

More Stories